Бекіре балығын заңсыз аулағандарға үкім шықты

Түпқараған аудандық сотында ҚР Қылмыстық кодексінің 335-бабының 3-бөлігінің 1,2,4,5-тармақтарымен Н. және К.-ге қатысты қылмыстық іс қаралды.

Сот отырысында анықталғандай, аталған азаматтар адамдар тобының алдын ала сөз байласуымен өздігінен жүретін жүзгіш «Казанка 2» қайығын пайдаланып, Каспий теңізінің бекіре тұқымдас балықтарының уылдырық шашатын жерлері мен өріс аудару жолдары болып табылатын жерлерге ахан ауын салып, жалпы салмағы 26 килограмм, 700 грамм болатын 12 дана бекіре тұқымдас балықтарын заңсыз аулап, Түпқараған ауданы, Баутин селосы, Аташ тұрғын-үй массивіндегі Каспий теңізі жағалауына алып келгенде полиция қызметкерлеріне ұсталған.

Сот Н. және К.-ны жоғарыда аталған баппен кінәлі деп танып, оларға 1 жыл мерзімге бас бостандығын шектеу жазасы тағайындалған.

Айғақты зат 26 кг. бекіре балықтарын сатудан түскен қаражат мемлекетке өткізіліп, қылмыс құралдары тәркіленді. Бұл туралы Түпқараған аудандық сотының Баспасөз қызметі хабарлады.