Буынға алғаш рет тіліксіз ота жасалды

Маңғыстаулық дәрігерлер денеге пышақ салмай-ақ ота жасауды тереңірек меңгеріп келеді. Бұған дейін тоқ ішекке, қалқанша безге эндоскопиялық жолмен операциялар жасалған болатын. Бүгін Маңғыстау облыстық ауруханасында буынға алғаш рет тіліксіз операция жасалды. Дәрігерлер жарыс кезінде жарақат алған спортшының тізе буынындағы жаншылып қалған шеміршекті пышақтың көмегінсіз алып тастады. Ота бар-жоғы 30 минутқа созылған. Бұрын мұндай оталарды жасау үшін езіліп кеткен жілікшелерді тізені тіліп, буындарды ашып барып алатын. Ендідененің екі-ақ жері тесіледі. «Бұл әдістің науқастардың ертерек аяғынан тік  тұрып кетуіне пайдасы көп және денеге тыртық түспейді»,-дейді мамандар.

25 жастағы балуан ертеңнен бастап сауықтыру емін алып, 2 жарым 3 айда қайта боз кілемге орала алады.