Шәкірт тәрбиелеуден шабыт алады

«Адамның адамшылығы – ақыл, ғылым, жақсы ана, жақсы құрбы, жақсы ұстаздан болады»,- деген екен ұлы Абай. Ақтаудағы №5 орта мектеп директорының оқу ісі жөніндегі орынбасары Дина Мұсағалиева саналы ғұмырын бала тәрбиесі мен біліміне арнап келе жатқан ардақты ұстаз. Ол 30 жылдан бері білім саласында аянбай еңбек етіп келеді. Осы уақыт аралығында Дина Омарқызы мыңдаған шәкірт тәрбиелеп шығарды. Бүгінде олар мықты маман атанып, еліміздің дамуына үлес қосып жүр.

Дина Омарқызы, жаратылысынан өзіне айтылғанның бәрін жете түсінген, көрген, естіген және аңғарған нәрселердің бәрін жадында жақсы сақтайтын, ешнәрсені ұмытпайтын алғыр да аңғарымпаз ақыл иесі, мейлінше шешен, өнер білімге құштар, аса қанағатшыл жаны асқақ, жақындарына да, әріптес достарына да әділ, халықтың бәріне жақсылық пен ізгілікті көрсетіп, қорқыныш пен жасқану дегенді білмейтін батыл да, ержүрек жан.

Шәкірт тәрбиелеуден шабыт алатын Дина Омарқызы жақында 50 жасқа толды. Жартығасырлық мерейтойыңыз құтты болсын! Деніңіздің саулығын, шаңырағыңызға ырыс-байлығын, жүрегіңізге мәңгі жастық жалынын, көңіліңізге сезімнің шалқыған шаттығын тілеймін. Әрдайым осы тыңғылықты да, тындырымды қалпыныздан талмай, табыстан-табысқа жете беріңіз. Отбасыңыздан ынтымақ, басыңыздан бақ таймасын. Көңіліңіз ғұмыр бойы көтеріңкі болып, өмір айдынында қайғы-мұңды білмей, еркін жүзе беріңіз. Құттықтаушы: бастауыш сынып мұғалімі Туякова Гулбану.