Ақтаулық прокурорлар жасөспірімдер тәрбиесіне алаңдаушылық танытты
Курс валют в Актау
на 28/03/2024
 
424.86
428.61
 
514.3
519.05
 
5.83
6.01
Номер редакции: +7 775 350 54 52
Новостной отдел: +7 777 259 44 50
Рекламный отдел: +7 778 399 22 62
reklama@tumba.kz
ПОДАТЬ ОБЪЯВЛЕНИЕ
Четверг,
28 Марта, 13:16
Вход |Регистрация
Главное » Тыныс

Ақтаулық прокурорлар жасөспірімдер тәрбиесіне алаңдаушылық танытты

18 Февраля 2017 (20:03) | 1909 | Автор: Нурганым Имашева

 

 

Ақтау қаласы прокуратурасының ұйымдастыруымен жалпы орта білім беру ұйымдарында және Жастар орталығында «Әлеуметтік желідегі ойындардан сақтану», «Кәмелетке толмағандар арасындағы құқық бұзушылықтардың алдын-алу», «Тұрмыстық зорлық-зомбылыққа жол бермеу» тақырыптарында кездесулер өткізілді.

 

Басқосуға Білім бөлімі, Жастар орталығы, Ішкі істер басқармасының өкілдері, мектеп директорлары, психологтар, оқушылар және ата-аналар қатысты.

 

Прокурорлар мектеп директорлары, психологтар мен ата-аналарға кәмелетке толмаған жасөспірімдер арасындағы құқық бұзушылықтардың алдын-алу жөнінде өз ұсыныстарын айтып, тұрмыстық зорлық-зомбылыққа жол бермеудің маңызына тоқталып, ересектерді ашық әңгімеге шақырды. Балаларға арнаған сөздерінде әлеуметтік желілердегі қауіпке итермелейтін ойындардан сақтануды ескертті.

 

-Жиынның негізгі мақсаты – жасөспірімдер арасындағы құқық бұзушылықтардың алдын-алу және әлеуметтік желілерде таралған ойындардан балаларды сақтандыруға бағытталған.

 

Статистика бойынша көбіне 12-16 жас аралығындағы жеткіншектер психикалық тұрғыдан әлсіз болып келеді. Әлеуметтік желідегі қитұрқы ойындарды ұйымдастырушылардың құрбандары да осы жас аралығындағы балалар екенін байқауға болады. Негізінен, ата-анасы жұмысбасты, өз еркі өзіндегі жасөспірімдер оқыс оқиғаларға бейім тұрады. Үйіне айтпай, жоғалып кететіндер де осындай балалар.

 

Көптеген ата-аналар баламыздың киімі көк, тамағы тоқ болса болды деп ойлайды. Шындығында, баламен теңдей көріп сырласу, көзқарасымен бөлісу, талап-тілегіне құлақ асу секілді басты нәрселер жетпей жатыр бізде.

 

Жалпы, әрбір ата-ана баланы жастайынан қызығатын саласына қарай бейімдеп, жол көрсетіп, бағыт-бағдар сілтеп отыруы қажет.

 

 Ең бастысы, жеткіншектердің бос сенделіп жүруіне жол бермеу керек. Белгілі бір міндетті мойнына жүктеп, оған жауапты болуға, бастаған ісін аяқтауға үйретуіміз керек.

 

 

Мектеп жасындағы баланың жігерін құм етіп үнемі ұрсу, «қолыңнан ештеңе келмейді» деп жәбірлеу жақсылыққа апармайды. Үнемі ұрыс естіген баланың бойында «мен жаманмын» деген ой бой көтеріп, бұл айналып келгенде, рухани әлсіздікке ұшыратады.

 

 

Оқыс оқиғаларға душар болатындардың көбі осындай өзімен-өзі күресе алмайтын жеткіншектер.

 

 

Сондықтан ата-аналар баласымен әрдайым сөйлесіп, ой-пікір алмасып, сырласып отыруы керек.

 

 

Ата-анасының жылы алақанын көріп өскен бала даладан мейірім мен жылулық іздемейтінін әркім есте ұстаған дұрыс, - деп мәлімдедіАқтау қаласы прокуратурасының бөлім прокуроры Айнұр Ғинуллақызы Жөнелбек.

Подписывайтесь на наш Telegram канал -
будьте в курсе всех новостей
Присылайте свои новости на WhatsApp
+7 777 259 44 50
Нашли ошибку? Выделите и нажмите Ctrl+Enter
КОММЕНТАРИИ:
нет комментариев
ДОБАВИТЬ КОММЕНТАРИЙ
Комментарии могут оставлять только зарегистрированные пользователи.
Зарегистрируйтесь или войдите в систему