Жалған жарнама үшін сотқа жүгінді

Ақтау қаласының № 2 сотында талапкер М-ның жауапкер Л-дан сатып алу-сату туралы шартты бұзу туралы азаматтық іс қаралды.

Талапкер М. сотқа Л-дан жарнамада жариялаған сату объектісінің сипаттамасы туралы ақпараттың сатылған тауардың өзіне сәйкессіздігіне байланысты сатып алу-сату шартты бұзу туралы талап арыз берген.

Сотта талапкер тауарды сайт арқылы сатып алғаны, тауарды талапкерге беру кезінде жауапкермен жарияланған жарнамада берілген ақпарат сату объектісіне сәйкес еместігі анықталды.

Қазақстан Республикасы Азаматтық кодексінің 422-бабының 3-бөлігіне сай тауарды үлгiсi бойынша және (немесе) сипаттамасы бойынша сатқан жағдайда сатушы сатып алушыға үлгіге және (немесе) сипаттамасына сәйкес келетiн тауар беруге мiндеттi.

Сондықтан М. құқықтарының бұзылуын жою мақсатында сатып алу-сату шарты бұзылып, жауапкер Л-дан талапкердің пайдасына тауарға төленген ақша құны өндірілген. Бұл туралы Ақтау қаласының №2 сотының Баспасөз қызметі хабарлады.