Тұрғындар назарына!

Қазақстан Республикасының Бас прокуратурасының бастамасымен қадағалау қызметінің материалдары негізінде «Прокурордың 100 кеңесі» практикалық кеңестер жинағы әзірленді. Бұл құралда заң тұрғысынан күнделікті өмірде жиі туындайтын сұрақтарға жауаптар келтірілген.

Атап айтқанда, отбасына қатысты, тұрмыстық зорлық-зомбылықты болдырмау жайлы, бизнес, еңбек қатыснастарында туындайтын мәселелер, құқық қорғау органдарымен қатынас, терроризм мен экстремизмге қарсы іс-қимыл жөнінде, алаяқтан қорғану мәселесі, сот органдарымен қатынастар және өтініш беру кезінде туындайтын мәселелерге қажетті кеңестер көрсетілген.

Аталған кеңестер жиынтығы Қазақстан Республикасының Бас прокуратурасының сайтында (http://prokuror.gov.kz/rus/advice), 115.kz порталында және смартфондар үшін тегін мобильдік қосымша түрінде ( iOS және Android платформаларында) тұрғындарға қол жетімді болып жарияланған.

- Сондықтан, жоғарыда аталған сайттарға кіру арқылы тұрғындардың «Прокурордың 100 кеңесі» практикалық кеңестер жинағымен оқып танысуға және күнделікті тұрмыстық қатынастар кезінде пайдалануға мүмкіндіктері бар екендігін жеткіземіз, -делінген Ақтау қаласының прокуратурасынан келіп түскен хабарламада.