Алимент төлемеген әке

Маңғыстау облысының кәмелетке толмағандардың істері жөніндегі мамандандырылған ауданаралық сотының қаулысымен сотталушы М. ҚР ҚК-нің 139-бабымен балаларын күтіп бағуға арналған қаражатты төлеу жөніндегі міндеттерді орындамағаны үшін сотталды.

Сот отырысында сотталушы М-ның ұзақ уақыт бойы өзінің балаларын күтіп бағу үшін алимент төлемегені анықталды. Соның салдарынан оның алимент бойынша қарызы 215 060 теңгені құраған.

Сотталушы М-ның айтуынша алимент төлемеуінің себептері – жұмыстың жоқтығы және оның денсаулық жағдайы.

Сотта жәбірленуші А. бір баланы жалғыз бағып отырғанын, сотталушы ешқандай материалдық көмек көрсетпейтінін, жәбірленуші пайдасына 2013 жылғы 15 тамызында дүниеге келген Н атты кәмелетке толмаған баласын күтіп-бағу үшін табысының және (немесе) өзге де кірісінің ¼ бөлігі мөлшерінде алимент төлеуге міндетті бола тұра алимент бойынша қарызды өтеуге шаралар қолданбаған.

«Сотталушы М. 2016 жылғы 13 желтоқсандағы «Қазақстан Республикасы Тәуелсіздігінің жиырма бес жылдығына байланысты рақымшылық жасау туралы» №27-VI Заңының 2-бабының 1-бөлігіне сай жазадан босатылды және оған қатысты қылмыстық іс тоқтатылды»,-деп хабарлайды Маңғыстау облысының кәмелетке толмағандардың істері жөніндегі мамандандырылған сотының баспасөз қызметі.