Маңғыстау облысында биыл мемлекеттік грантқа қол жеткізген оқушылар саны 117-ге артты

Өңірлік білім басқармасы басшысының мәлімдеуінше, «Өткен оқу жылында облыс бойынша 5000 бала орта білім беру туралы аттестат алды. 3000 түлек ЖОО-ның студенті атанды. Биыл мемлекеттік грантқа қол жеткізген оқушылар саны 117-ге артты. Әсіресе педагогикалық мамандыққа деген сұраныс артып, 392- түлек осы саланы таңдаған.  Ал, алтын белгі иегерлерінің 98 пайызы  білім грантын иеленіп, 7-уі шетелдің халықаралық ЖОО-на түсіпті. 

Зейнеп Жұмағалиқызы - МО білім басқармасы басшысы:

-Былтыр 425 бала грант алса, биыл 542 бала грант алды. Сонымен қатар, 33 бала - ғылыми жобалардың жеңімпаздары грантқа ие болды. Сонда барлығы -  575 бала грантқа ие болды. Соның ішінде алтын белгі бойынша қуантарлық жағдай.

Биыл 1 сынып оқушыларына арнап жаңа оқулықтар шығарылды. Бұл да білім жүйесіне енгізілген өзгерістің бірі. Жаңа кітаптарды басып шығару үшін республика бюджетінен 800 млн теңге қаржы бөлініп, көздеген мақсатқа жұмсалды. Қазір  облыстағы барлық мектептер 1-ші сыныпқа арналған жаңа оқулықтармен түгел дерлік қамтылды.

Ұстаздар жаңа оқу жылына дайын. Жазғы демалыс кезінде жаңа оқу бағдарламасын игеру бойынша 101 бастауыш сынып мұғалімі білімін жетілдіру курстарынан өтті.

Енді қыркүйек, қазан айларында мектеп директорлары мен оқу ісінің меңгерушілері оқытылатын болады және қараша айында ағылшын тілі мен информатика пәнінің мұғалімдері үш тілде білім беру стандартына сәйкес қайта даярлау курстарынан өтеді деп күтілуде.