Ақтау қаласы Төтенше жағдайлар басқармасы «Ашық есік күнін» өткізді.

Ақтау қалалық №1-Мамандандырылған өрт сөндіру бөлімінің аумағында «Құтқару қызметінің құрылғанына 20 жыл» толуына орай «Ашық есік» күні ұйымдастырылды.

Өртсөндіру бөліміне саяхатқа № 10 орта мектептің 7-8 сынып оқушылары келді.

Балалар құтқару қызметінің автокөліктері қандай техникалық жабдықтармен жабдықталғандығын көріп білді. Батыл балалар тіпті автосатыға мініп кішігірім биікке де көтерілді.

Он жетінші қабатқа дейін көтеріле алатын көтергішпен жабдықталған өрт автокөлігі (АКП-54 Бронто-Скайлифт) Ақтау қаласында 2006 жылдан бері қызмет етуде.

 Шара соңында балаларға өртсөндіру қызметінің мұражайына экскурсия жүргізілді. Мектеп оқушылары өртсөндіру қызметінің жұмысына үлкен қызығушылықпен қарап танысты. «Мүмкін болашақта осы балалардың арасынан өртсөндіру қызметінің ержүрек офицерлері мен құтқарушылары шығар»,-дейді Ақтау қалалық төтенше жағдайлар басқармасының мамандары.