Үш жүлдемен оралды
Курс валют в Актау
на 18/11/2017
 
330.35
334.11
 
389.34
394.28
 
5.48
5.66
Номер редакции: 8 (7292) 53 00 03
Номер журналиста: 8 747 353 00 03
Рекламный отдел: 8 707 040 14 81
site@tumba.kz
Система Orphus
ПОДАТЬ ОБЪЯВЛЕНИЕ
Суббота,
18 Ноября, 00:14
Вход |Регистрация
Главное » Тыныс

Үш жүлдемен оралды

14 Ноября 2017 (16:17) | 246 | Автор: Нурганым Имашева

Ақтөбе қаласында ерлер мен әйелдер арасында дзюдодан Қазақстан Республикасының чемпионаты мен Кубогы сарапқа салынды. Дүбірлі додаға 418 балуан қатысып, боз кілемнің шаңын қақты. Аталмыш жарыста Маңғыстаудың намысын 18 спортшы қорғап, олардың арасынан үшеуі жеңімпаз атанды.

 

 

Тарқатып айтар болсақ, 52 салмақта шетпелік балуан Кәмшат Қарасайқызы алтыннан алқа тақса, 66 келі салмақта облыстық «Жас батыр» мамандандырылған балалар мен жасөспірімдер спорт мектебінің шәкірті Бауыржан Сағынғалиұлы мен 57 келі салмақта «Қарагөз» спорт мектебінің спортшысы Анна Казюлина күміс медальдің иесі атанды. Қуанышты жаңалықпен халықаралық дәрежедегі төреші Талғат Есекенов пен облыстық «Жас батыр» мамандандырылған балалар мен жасөспірімдер спорт мектебінің бапкері Жомарт Қобыланов бөлісті.

 

 -Жарыс 9-13 қараша аралығында Ақтөбе қаласында өтті. 52 салмақтаКәмшат Қарасайқызы оңтүстікқазақстандық, қызылордалық, шығысқазақстандық балуандармен белдесіп, ақтық сынға жолдама алды.

 

 

Финалда жамбылдық спортшы Жадыра Әміртаеваны айқын басымдылықпен тізе бүктіріп, алтын медальді қанжығалады. 66 келі салмақта боз кілемге шыққан шәкіртіміз Бауыржан Сағынғалиұлы ақтөбелік, шығысқазақстандық, алматылық, қарағандылық балуандардың жауырынын жерге тигізіп, шешуші сәтте шығысқазақстандық Ерлан Серікжановқа есесін жіберіп, күміс медальді иеленді.

 

57 келі салмақта белдескен тағы бір балуанымыз Анна Казюлина финальда оңтүстікқазақстандық Севара Нышанбаеваға жол беріп, күміс медальді қанағат тұтты. Айта кету керек, финалдық кездесудің жеңімпаздары 2018 жылы өтетін Әлем және Азия чемпионаттарына қатысып, ұлттық құрама сапында өнер көрсететін болады,-дейді белгілі бапкер Жомарт Қобыланов.

 

Нашли ошибку? Выделите и нажмите Ctrl+Enter
КОММЕНТАРИИ:
нет комментариев
ДОБАВИТЬ КОММЕНТАРИЙ
B i u L IMG Quote URL

Используйте кнопки для вставки изображения, например:
[IMG]http://tumba.kz/i/tumbalogo.png[/IMG]


Уважаемые пользователи, в комментариях категорически запрещено переходить на личности, использовать ненормативную лексику, высказывать призывы к насилию, религиозной и национальной вражде.

Администрация оставляет за собой право удалять комментарии без объяснения причин
НОВОСТИ ПАРТНЕРОВ