Дзюдошы Бауыржан Нарбаев - Азия чемпионы
Курс валют в Актау
на 23/04/2018
 
324.51
327.67
 
398.52
378.93
 
5.23
5.41
Номер редакции: 8 (7292) 53 00 03
Номер журналиста: 8 747 353 00 03
Рекламный отдел: 8 707 040 14 81
site@tumba.kz
ПОДАТЬ ОБЪЯВЛЕНИЕ
Понедельник,
23 Апреля, 20:16
Вход |Регистрация
Главное » Тыныс

Дзюдошы Бауыржан Нарбаев - Азия чемпионы

17 Июля 2017 (16:32) | 780 | Автор: Нурганым Имашева

Қырғызстанның астанасы Бішкек қаласында жастар арасында дзюдодан Азия чемпионаты мәресіне жетті. 13-16 шілде аралығында өткен дүбірлі додада маңғыстаулық балуан, облыстық «Жас Батыр» мамандандырылған балалар мен жасөспірімдер спорт мектебінің шәкірті Бауыржан Нарбаев қарсыластарының барлығын айқын басымдылықпен жеңіп, алтыннан алқа тағып, Азия чемпионы атанды.

 

 

Қуанышты жаңалықпен облыстық «Жас Батыр» мамандандырылған балалар мен жасөспірімдер спорт мектебінің басшысы Манарбек Бисекенов бөлісті.

               

19 мемлекеттің «мен мықтылары» бас қосқан жарыста 55 келі салмақта Бауыржан Нарбаев алғашқы қарсыласы қырғыз балуаны Доолотбек Таалайбекұлын «иппон» әдісімен тізе бүктірді. Одан кейінгі кездесуінде жапониялық балуан Сейго Накаджимодан басым түсіп, ақтық сынға жолдама алды. Финалда өзбекстандық Манушер Шириновты 30 секундта «иппон» әдісімен жеңіп, дзюдодан жастар арасында Азия Чемпионы атанды.

 

               

-Қарсыластарымның қай-қайсысы да осал болған жоқ. Намысты қолдан бермеуге тырыстым, барымды салып күрестім.

 

Бапкерлерім Манарбек Бисекенов, Сергей Волобуев ағайларымның сенімін, ата-анамның үмітін ақтап, алтынды еншіледім.

 

 

Бішкек төрінде елімнің әнұранын асқақтатып, көк туын желбіреттім. Өте қуаныштымын. Ендігі ең үлкен мақсат - Олимпиада шыңын бағындырып, тәуелсіз қазақ елінің көк туын Олимпиада төрінде желбірету,-дейді Азия чемпионы Бауыржан Нарбаев.  

 

                 

19 жасар Бауыржан бұған дейін бірнеше республикалық, халықаралық жарыстарда топ жарып, аймақ абыройын асқақтатты. Мамыр айында Литваның Каунас қаласында дзюдодан жастар арасында өткен жарыста да сәтті өнер көрсетіп, Еуропа кубогының иегері атанған болатын.

Подписывайтесь на наш Telegram канал -
будьте в курсе всех новостей
Присылайте свои новости на WhatsApp
+7 747 353 00 03
Нашли ошибку? Выделите и нажмите Ctrl+Enter
КОММЕНТАРИИ:
нет комментариев
ДОБАВИТЬ КОММЕНТАРИЙ
Комментарии могут оставлять только зарегистрированные пользователи.
Зарегистрируйтесь или войдите в систему