Мобильдік Халыққа қызмет көрсету орталығының қарқынды қызметі

Маңғыстау облысының Мобильдік Халыққа қызмет көрсету орталығы (ХҚКО) ағымдағы жылдың алғашқы үш айында 5 ауданның 28 елді мекен тұрғындарына қызметтер көрсетті.

Елді мекендерге 72 жоспарланған сапарға шығу уақытында тұрғындардан 1673 құжат қабылданды, оның ішінде АХАТ бөлімі бағыты бойынша – 89, жылжымайтын мүлікті тіркеу бөлімі бойынша – 85, жергілікті атқарушы органдар бағыты бойынша – 114, электрондық қызметтер – 1373 және1531 құжат берілді. Мұндай жұмыс Мобильдік ХҚКО–ның әкімдіктермен тығыз ынтымақтастығының арқасында мүмкін болды.

«Қазіргі таңда, Мобильдік ХҚКО арқылы 171 мемлекеттік қызмет алуға болады. Талап етілетін қызметтердің көпшілігі электрондық форматқа ауыстырылды. Енді оларды электрондық цифрлық қолтаңбаның көмегімен Электрондық үкімет порталынан да алуға болады.

Шалғайдағы елді мекендер тұрғындарын осы Порталмен жұмыс атқаруды Мобильдік ХҚКО – ның инспекторлары тегін үйрете алады. Осы дағдылардың арқасында кез-келген азамат министрліктердің бірінші басшыларына, облыс әкіміне онлайн – қабылдауға, ХҚКО-на кезекті броньдауға, баланы балабақшаға кезекке қоюға, айыппұлдар мен салықтар төлеуге, зейнетақы аударымдары туралы анықтамалар алуға және т.б. қызмет түрлеріне электронды жазыла алады.

2012 жылдан бастап енгізілген жаңғырту Халыққа қызмет көрсету орталықтарына азаматтар үшін көрсетілетін қызметтер сапасын арттыруға мүмкіндік берді»,-дейді «ХҚКО» РМК Маңғыстау филиалының баспасөз қызметі.